Wednesday, June 23, 2021
HomeСветКина одржа воени вежби кај Тајван, неколку часа пред доаѓањето на американската...

Кина одржа воени вежби кај Тајван, неколку часа пред доаѓањето на американската делегација

Кина денес одржа воени вежби во близина на Тајван, неколку часа пред во Тајпеј да пристигнат американски функционери за да ја изразат поддршката на претседателот Џо Бајден за островот и неговата демократија.

Тајван постојано се жали на кинеската воена активност во близина на неговата територија, вклучително и влегувања на кинески борбени авиони и бомбардери во неговиот воздушен простор или приближување на кинески носач на авиони.

Дваесет и пет кинески авиони во понеделникот влегоа во воздушниот простор на Тајван, најмногу досега, пренесува Ројтерс.

Кинеската канцеларија за Тајван соопшти дека владата на островот и сепаратистите се здружиле со „надворешни сили“ за да провоцираат и да ги нарушат мирот и безбедноста.

„Кинеската народноослободителна армија (ПЛА) организира тековни борбени вежби во Тајванскиот премин како неопходна акција во сегашната безбедносна состојба и за зачувување на националниот суверенитет“, рече портпаролот Ма Сиаогуанг.

„Тоа е само одговор на мешањето на надворешните сили“ и на тајванските провокации, додаде тој.

Соединетите Држави, кои, како и повеќето земји, ја признаваат само владата во Пекинг, а не и онаа во Тајпеј, но сепак се најголемиот поддржувач на Тајван во регионот, со зголемена загриженост ги следат растечките тензии меѓу Кина и островската држава.

Денеска во Тајван ќе пристигнат поранешниот американски сенатор Крис Дод и поранешните заменик-државни секретари Ричард Армитаџ и Џејмс Стајнберг. Официјален претставник на Белата куќа ја нарече посетата „личен сигнал“ за посветеноста на Бајден кон Тајван и неговата демократија.

Американците в четврток ќе се сретнат со тајванската претседателка Цаи Инг-Вен. Портпаролот на нејзината канцеларија, Ксавиер Чанг, рече дека патувањето „повторно ја покажува силната врска меѓу Тајван и САД“ и „повеќепартиската поддршка за Тајван во САД“.

- Advertisment -spot_img

Популарно

- Реклама -spot_img
- Реклама - spot_img
- Реклама -spot_img
spot_img
spot_img
spot_img
spot_img
spot_img
spot_img