Во околината на малата општина Језеро во централниот дел на Босна и Херцеговина, при испитувањата на работниците на Лајкос Балкан Металс пронајдени се значителни залихи на злато, соопшти босанската филијала на австралиската компанија која врши истражувања на повеќе локации. низ Босна и Херцеговина.

На локацијата Зекилова коса е откриено злато, а последните анализи направени во лабораториите потврдиле постоење на поголеми количества злато кое во некои делови содржи и до 4,89 грама злато на тон. Овие истраги, кои траат неколку месеци, опфатија површина од 1,2 квадратни километри, пренесува Хина. Во поглед на откривањето на златни наоѓалишта, се најавува проширување на истражувањата во северозападниот дел на локалитетот.

„Понатамошното следење на овие одлични резултати без сомнение е оправдано и очекуваме што поскоро да добиеме согласност од локалната самоуправа за продолжување на геолошките истражувања“, изјави извршниот директор на Лајкос Балкан Металс, Младен Лујиќ.

Воедно, тој посочи дека оваа компанија при истражувањето посветува посебно внимание на зачувувањето на животната средина. Оваа општина се наоѓа недалеку од Јајце во централниот дел на БиХ, на меѓуентитетската граница на Федерацијата БиХ и Република Српска.