Тренерот на Карлос Алкараз, Хуан Карлос Фереро го призна она што стана сосема очигледно – дека Ѓоковиќ е над Надал и Федерер.

„Со бројките што ги има Ѓоковиќ нема дебата. Можете повеќе да ги сакате Рафа или Роџер, нивниот стил и слично, но бројките велат дека Новак е најдобар во историјата“, изјави Фереро за шпанска „Марка“.

Шпанецот продолжи да го фали српскиот ас.

„Не сум изненаден од неговата сезона, тој живее за тенисот и игра на највисоко ниво, сè што прави е совршено, од храна, до одмор, за да го направите тоа, треба да се подобрите во многу работи. Тешко е во денешно време да најдеш доволно време за својот живот и тренинзи, професионализам, доволно да се посветиш на тенисот. Ѓоковиќ и во тој поглед е најдобар“, додаде Фереро, кој во кариерата три пати играше против Ноле и двапати загуби.