Фудбалерите на Баерн Минхен имаат сезона за заборав во Бундеслигата, тие во саботата беа поразени на гостувањето во Хајденхајм.

Не е прв пат сезонава Баерн Минхен да добие сериозна шлаканица во лице, но овој пораз остави печат, бидејки водеа со 2:0, но на крајот беа поразени со 3:2.

– Вакви работи не смеат да ни се случуваат. Имавме се под контрола на полувремето и по мечот е навистина тешко да се одговори што ни се случи. Се мачевме да го заддржиме нивото, за жал, истото ни се повторува веќе извесен период.

– Прокоцкавме уште еден натпревар, поточно во првите 15 минути од вториот дел, се фрливме во вода, се што одработивме добро, тоа е нашиот проблем сезонава. Имавме уште неколку шанси да постигнеме трет гол, но не го направивме тоа. Начинот на кој ги примаме головите беше едноставно прелесен, недозволиво, порача Тухел.

По овој пораз, Баерн заостанува на втората позиција, зад лидерот Леверкузен со 16 бодови помалку и доколку избраниците на Алонсо слават следното коло, математички титулата ќе им биде обезбедена.